డా. సర్వేపల్లి రాధాకృష్ణన్

డా. సర్వేపల్లి రాధాకృష్ణన్

శ్రీ డా. సర్వేపల్లి రాధాకృష్ణన్ గారు 1888 సెప్టెంబర్ 5వ తేదీన ఆంధ్ర ప్రాంతంలోని చిత్తూరు జిల్లాలో తిరుపతికి సమీపంలో ఉన్న తిరుత్తని గ్రామంలో ఎస్. వీరస్వామి మరియు సీతమ్మ దంపతులకు జన్మించారు. ఆయన తన పాఠశాల విద్యను తిరుత్తని, వాలాజాపేట మరియు వెల్లూరులలో అభ్యసించారు. ఆయన ఒక రాజనీతిజ్ఞుడు, తత్వవేత్త మరియు వేదాంతి. మరియు ఆయన ఒక విద్యావేత్త, అధ్యాపకుడు. భారతదేశంలో మరియు విదేశాలలో అనేక విశ్వవిద్యాలయాలకు ఉపకులపతిగా పనిచేశారు. ఆయన రాజ్యాంగ పరిషత్ సభ్యుడిగా సేవలందించారు. ఆయన మాస్కోకు రాయబారిగా పనిచేశారు. ఆయన భారత గణతంత్ర రాజ్యానికి రెండవ రాష్ట్రపతిగా పనిచేశారు. ఒక తత్వవేత్తగా హిందూ ధర్మ సంరక్షణ కొరకు ఎన్నో ఉపన్యాసములు ఇచ్చారు. వ్యాసములు, పుస్తకములు రచించారు. ఆయన చేసిన నిరంతర కృషి వలన భారత దేశ ఖ్యాతి ప్రపంచములోని నలు దిశల వ్యాప్తి చెందినది. (डॉ। सर्वॆपल्लि राधाकृष्णन) (Dr. Sarvepalli Radhakrishnan)

భారతదేశ వ్యాప్తంగా డా. సర్వేపల్లి రాధాకృష్ణన్‌ గారి పేరున అనేక విశ్వవిద్యాలయాలు, కళాశాలలు మరియు పాఠశాలలు స్థాపించి ఆయనను భారతీయులు గౌరవిస్తున్నారు.

విశ్వవిద్యాలయాలు:

1. సర్వేపల్లి రాధాకృష్ణన్ యూనివర్సిటీ (SRK యూనివర్సిటీ): భోపాల్, మధ్యప్రదేశ్.

2. డాక్టర్ సర్వేపల్లి రాధాకృష్ణన్ రాజస్థాన్ ఆయుర్వేద విశ్వవిద్యాలయం: జోధ్‌పూర్, రాజస్థాన్‌.

కళాశాలలు మరియు పాఠశాలలు:

1. డాక్టర్ సర్వేపల్లి రాధాకృష్ణన్ ప్రభుత్వ ఆర్ట్స్ కళాశాల: యానాం, పాండిచ్చేరి

2. డాక్టర్ సర్వేపల్లి రాధాకృష్ణన్ ప్రభుత్వం డిగ్రీ కళాశాల: ధరంపూర్‌, హిమాచల్ ప్రదేశ్‌.

3. డాక్టర్ సర్వేపల్లి రాధాకృష్ణన్ విద్యాలయం: బోరివలి వెస్ట్, ముంబై.

4 డాక్టర్ సర్వేపల్లి రాధాకృష్ణన్ B. Ed. కళాశాల: మాల్డా, పశ్చిమ బెంగాల్‌.

5. సర్వేపల్లి రాధా కృష్ణన్ ఇన్స్టిట్యూట్ ఆఫ్ ఎడ్యుకేషన్: సాహిబాబాద్, ఘజియాబాద్, ఉత్తరప్రదేశ్

రాధాకృష్ణన్ ఒక మధ్య తరగతి కుటుంబములో జన్మించారు. అందుచేత ఆయన ఉన్నత విద్యాభ్యాసం కొరకు స్కాలర్‌షిప్ లపై ఆధారపడి యున్నారు.  ఆయనకు సైన్స్ మరియు గణితం సబ్జెక్టులు చదవాలని ఉన్నాగాని, తత్వశాస్త్రము నాకు సంబంధించిన అన్నగారి పుస్తకములు ఉన్నవాని చెప్పి తత్వశాస్త్రము చదివారు. ఆయన 1907లో మద్రాస్ క్రిస్టియన్ కాలేజీ నుండి డిగ్రీ పొందారు. ఆయన తన బ్యాచిలర్ డిగ్రీ కర్రిక్యులం లో భాగంగా లో “ది ఎథిక్స్ ఆఫ్ ది వేదాంత అండ్ ఇట్స్ మెటాఫిజికల్ ప్రిసప్పోజిషన్స్” అనే థీసిస్‌ను ప్రచురించారు. అప్పుడు ఆయన వయసు 20 సంవత్సరములు. మరియు ఆయన అదే మద్రాస్ క్రిస్టియన్ కాలేజీ నుండి తన మాస్టర్స్ డిగ్రీని కూడా పూర్తి చేశారు.

అద్వైత వేదాంతం

డాక్టర్ సర్వేపల్లి రాధాకృష్ణన్ ఇలా అన్నారు, ‘క్రైస్తవ విమర్శకుల సవాలు నన్ను హిందూ మతాన్ని అధ్యయనం చేయడానికి మరియు అందులో ఏది సజీవంగా ఉందో, ఏది లేదో తెలుసుకోవడానికి పురికొల్పింది’. రాధాకృష్ణన్ ఇంకా ఇలా కూడా అన్నారు, ‘స్వామి వివేకానంద యొక్క కృషి మరియు వాక్చాతుర్యం వల్ల ప్రేరేపించబడిన ఒక హిందువుగా నాకున్న గర్వం క్రిష్టియన్ మిషనరీ సంస్థలు హిందూ మతమును విమర్శిస్తున్న తీరు వల్ల తీవ్రంగా దెబ్బతింది’.

ఆయన పాశ్చాత్య దేశం వారు హిందూ మతం గురించిన పూర్తి సమాచారం లేకుండా హిందూ మతాన్ని విమర్శించడానికి పూనుకుంటున్నారని ఆయన వారిని విమర్శించారు. రాధాకృష్ణన్ ఇలా పేర్కొన్నారు, ‘పాశ్చాత్య తత్వవేత్తలు, నిష్పక్షపాతానికి సంబంధించిన అన్ని వాదనలు చేసినప్పటికీ, తమ సొంత సంస్కృతి యొక్క మతపరమైన ప్రభావాలకు లోనయి మాట్లాడతారు.’

రాధాకృష్ణన్ తత్వశాస్త్రం అద్వైత వేదాంతంపై ఆధారపడి ఉంటుంది. భారతదేశంలో మరియు పశ్చిమ దేశాలలో హిందూ మతం గురించిన అవగాహనను పెంపొందించడంలో ఆయన అపార కృషి చేశారు. ఇతర మతములను కూడా స్టడీ చెయ్యడం వలన ఆయన ఈతరం మతములలోని అంశములపై తీవ్ర విమర్శలు చేయకుండానే హిందూ మతము లోని ఔన్నత్యాన్ని చాటి చెబుతూ ఆయన భారతదేశానికి, పశ్చిమ దేశాలకు మధ్య వారధిగా విలసిల్లారు.

తూర్పు మరియు పశ్చిమ దేశాల మధ్య వారధి

చరిత్రకారుడు డోనాల్డ్ మెకెంజీ బ్రౌన్ ఉద్దేశ్యం ప్రకారం, ‘రాధాకృష్ణన్ ఎల్లప్పుడూ పాశ్చాత్య విమర్శలకు వ్యతిరేకంగా హిందూ సంస్కృతిని సమర్థించారు మరియు వారి స్వంత మేధో సంప్రదాయాలలో భారతీయుల గర్వాన్ని ప్రతీకగా చేసుకున్నారు.’

పాల్ ఆర్తుర్ షిల్ప్ రాధాకృష్ణన్‌ను ఇలా ప్రశంసించారు, ‘ప్రొఫెసర్ రాధాకృష్ణన్ కంటే తూర్పు మరియు పశ్చిమ దేశాల మధ్య సజీవ “వంతెన”కి మరింత అద్భుతమైన ఉదాహరణను కనుగొనడం సాధ్యం కాదు.’

మరియు హాలీ ప్రకారం: ‘రాధాకృష్ణన్‌ను పశ్చిమ దేశాలకు హిందూ మతం యొక్క ప్రతినిధిగా విద్యా వర్గాలలో ఉంచారు. అతని సుదీర్ఘ రచనా జీవితం మరియు అతని అనేక ప్రచురించబడిన రచనలు హిందూ మతం, భారతదేశం మరియు తూర్పు దేశాల గురించి పశ్చిమ దేశాల అవగాహనను రూపొందించడంలో ప్రభావవంతమైనవి’

వేదాంత నీతిశాస్త్రం

తన ‘వేదాంత నీతిశాస్త్రం’లో ఆయన ఇలా రాశారు, “వేదాంత వ్యవస్థను నీతిరహితమైనదిగా పరిగణించడం ఈనాటి తాత్విక ఫ్యాషన్‌గా మారింది.” తన “అభేద స్ఫూర్తి”లో ఆయన ఇలా వాదించారు, “నైతికతలో, ప్రతి వ్యక్తి అభేద స్ఫూర్తిని, అంటే భేదం లేని భావనను పెంపొందించుకోవాలని నిర్దేశించబడింది.” “ప్రతి ఇతర వ్యక్తిని నీతో సమానుడిగా భావించాలి మరియు వారిని ఒక సాధనంగా కాకుండా, ఒక లక్ష్యంగా చూడాలి.” “వేదాంతం మానవ గౌరవాన్ని కాపాడాలని మనల్ని కోరుతుంది మరియు మనిషిని మనిషిగా గుర్తించాలని డిమాండ్ చేస్తుంది.”

ఆయన ఇలా అంటారు, ‘వేదాంతం ఒక మతం కాదు, అయినా గానీ అది అత్యంత సార్వత్రిక మరియు లోతైన అర్థంలో మతమే.’

రాధాకృష్ణన్ తత్వశాస్త్రంలో “అంతర్ దృష్టి”, అనే “మతపరమైన అనుభవం” ఒక స్పృహతో కూడిన ఆలోచన ద్వారా మధ్యవర్తిత్వం వహించని జ్ఞానానికి మూలంగా కేంద్ర స్థానాన్ని కలిగి ఉంది అన్నారు.

డా. రాధాకృష్ణన్ ఎనిమిది రకాల మానసిక అనుభవాలను గుర్తించారు:

1. జ్ఞానానుభవం:

2. ఇంద్రియ అనుభవం

3. తార్కిక వివేచన

4. అంతర్ దృష్టి గ్రహణశక్తి

5. మానసిక అనుభవం

6. సౌందర్యానుభవం

7. నైతిక అనుభవం

8. మతపరమైన అనుభవం

అద్వైత వేదాంతం

మరియు ఆయన మతాలను ఐదు రకాలుగా వర్గీకరించారు. ఆ క్రమంలో ఆయన అద్వైత వేదాంతానికి అత్యున్నత స్థానాన్ని ఇచ్చాడు.

1. నిరాకార పరబ్రహ్మాన్ని ఆరాధించేవారు
2. సగుణ దైవాన్ని ఆరాధించేవారు
3. రాముడు, కృష్ణుడు, బుద్ధుడు వంటి అవతారాలను ఆరాధించేవారు
4. పితృదేవతలను, దేవతలను మరియు ఋషులను పూజించేవారు
5. చిన్నచిన్న శక్తులను మరియు ఆత్మలను ఆరాధించేవారు

ఆయన ఇలా అన్నారు, “దేవుని గురించిన మన జ్ఞానాన్ని మెరుగుపరుచుకుంటూ నిరంతరం ఉన్నత స్థాయికి ఎదగాలని హిందూమతం నొక్కి చెబుతుంది. నిరాకార పరబ్రహ్మాన్ని ఆరాధించేవారు అత్యున్నత శ్రేణికి చెందినవారు; వారి తర్వాతి స్థానంలో సగుణ స్వరూప దేవుడిని ఆరాధించేవారు ఉంటారు; ఆ తర్వాత రామ, కృష్ణ, బుద్ధుల అవతారాలను పూజించేవారు వస్తారు; వారి కంటే దిగువన దేవతలను, పితృదేవతలను, ఋషులను పూజించేవారు ఉంటారు, మరియు అందరికంటే చివరి స్థానంలో అల్ప శక్తులను, ఆత్మలను పూజించేవారు ఉంటారు.”ఇంకనూ ఆయన ఇలా అన్నారు, ” దార్శనికులు పరమాత్మను ఆత్మలోనే చూస్తారు, విగ్రహాలలో కాదు.”

రాధాకృష్ణన్ చెప్పేదాని ప్రకారం, హిందూమతం వాస్తవాలపై ఆధారపడిన ఒక శాస్త్రీయ మతం. “మత తత్వశాస్త్రం శాస్త్రీయంగా మారాలంటే, అది అనుభవపూర్వకంగా ఉండాలి మరియు మతపరమైన అనుభవంపై ఆధారపడాలి”. ఈ అనుభవ వాదం వేదాలలో స్పష్టంగా కనిపిస్తుందని ఆయన అన్నారు: ‘ఋషుల సత్యాలు తార్కిక హేతువాదం లేదా వ్యవస్థీకృత తత్వశాస్త్రం ఫలితంగా ఉద్భవించినవి కావు, అవి ఆధ్యాత్మిక అంతర్ దృష్టి, దృష్టి లేదా దర్శనం యొక్క ఫలితాలు. … వారి వాక్యాలు తాత్కాలిక దర్శనంపై ఆధారపడినవి కావు, అంతర్గత జీవితం మరియు శక్తి యొక్క నిరంతర అనుభవంపై ఆధారపడినవి. వేదాలను అత్యున్నత ప్రమాణంగా పరిగణించినప్పుడు, అన్ని ప్రమాణాలలోకెల్లా అత్యంత కఠినమైన ప్రమాణం వాస్తవాలదే అని మాత్రమే దాని అర్థం’.

ఆయన మద్రాస్ ప్రెసిడెన్సీ కళాశాల, మైసూర్ విశ్వవిద్యాలయం, కలకత్తా విశ్వవిద్యాలయం, హారిస్ మాంచెస్టర్ కళాశాల, ఆక్స్‌ఫర్డ్‌లో బోధించారు. 1939 నుండి 1936 వరకు బనారస్ హిందూ విశ్వవిద్యాలయం వైస్-ఛాన్సలర్‌గా ఉన్నారు.

జూన్ 1926లో బ్రిటిష్ కాలనీల విశ్వవిద్యాలయాల కాంగ్రెస్‌లో మరియు సెప్టెంబర్ 1926లో హార్వర్డ్ విశ్వవిద్యాలయంలో జరిగిన ఇంటర్నేషనల్ కాంగ్రెస్ ఆఫ్ ఫిలాసఫీలో ఆయన కలకత్తా విశ్వవిద్యాలయానికి ప్రాతినిధ్యం వహించారు. 1929లో ఆక్స్‌ఫర్డ్‌లోని హారిస్ మాంచెస్టర్ కళాశాలలో జీవిత ఆదర్శాలపై హిబ్బర్ట్ ఉపన్యాసం ఇచ్చారు. ఆయన ప్రసిద్ధ పుస్తకాలు 1920లో ప్రచురించబడిన ది రీన్ ఆఫ్ రిలిజియన్ ఇన్ కాంటెంపరరీ ఫిలాసఫీ మరియు ది ఫిలాసఫీ ఆఫ్ రవీంద్రనాథ్ ఠాగూర్.

ఆయన భారత రాజ్యాంగ పరిషత్‌కు కూడా ఎన్నికయ్యారు. రాధాకృష్ణన్ 1946 నుండి 1952 వరకు యునెస్కోలో భారతదేశానికి ప్రాతినిధ్యం వహించారు మరియు తరువాత 1949 నుండి 1952 వరకు సోవియట్ యూనియన్‌కు భారత రాయబారిగా నియమితులయ్యారు. ఆ తర్వాత 1952లో ఆయన భారతదేశపు మొదటి ఉపరాష్ట్రపతిగా ఎన్నికయ్యారు. ఆయన 1962 నుండి 1967 వరకు భారతదేశానికి రెండవ రాష్ట్రపతిగా పనిచేశారు.

ఆంధ్ర విశ్వవిద్యాలయం స్థాపనలో ఆయన కీలక పాత్ర పోషించారు. (ఈ ప్రయత్నంలో ఆయన కట్టమంచి రామలింగారెడ్డితో కలిసి పనిచేశారు.) ఆయన 1931 నుండి 1936 వరకు ఆంధ్ర విశ్వవిద్యాలయానికి ఉపకులపతిగా పనిచేశారు. (మొదట విశ్వవిద్యాలయం విజయవాడలో ప్రారంభమై, ఆ తర్వాత విశాఖపట్నానికి మార్చబడింది.)

శ్రీ డాక్టర్ సర్వేపల్లి రాధాకృష్ణన్ 1932లో ఆంధ్ర విశ్వవిద్యాలయం స్నాతకోత్సవ ప్రసంగంలో ఆంధ్రుల గురించి ఈ విధంగా మాట్లాడారు, “మనం, ఆంధ్రులం, కొన్ని విషయాలలో అదృష్టవంతులం. భారతదేశంలో ఏ ప్రాంతమైనా సమర్థవంతమైన ఐక్యతా భావాన్ని పెంపొందించుకోగలదంటే అది ఆంధ్ర ప్రాంతమే అని నేను గట్టిగా నమ్ముతున్నాను. ఇక్కడ మూర్ఖ సంప్రదాయవాదం యొక్క పట్టు అంత బలంగా లేదు. మన ఉదార ​​స్వభావం మరియు విశాల దృక్పథం సుప్రసిద్ధమైనవి. మన సామాజిక ప్రవృత్తి మరియు గ్రహణశక్తి ఇప్పటికీ చురుకుగా ఉన్నాయి. మన నైతిక స్పృహ మరియు సానుభూతితో కూడిన ఊహాశక్తి మత మౌఢ్య సిద్ధాంతాలచే అంతగా వక్రీకరించబడలేదు. మన మహిళలు సాపేక్షంగా ఎక్కువ స్వేచ్ఛగా ఉన్నారు. మాతృభాషపై ప్రేమ మనందరినీ బంధిస్తుంది.”

భారతదేశ రెండవ అధ్యక్షుడు

1962లో డా. రాధాకృష్ణన్ భారతదేశ రెండవ అధ్యక్షుడిగా ఎన్నికయ్యారు.

ఉపాధ్యాయ దినోత్సవం

ఆయన జన్మదినమైన సెప్టెంబర్ 5వ తేదీని భారతదేశం ఉపాధ్యాయ దినోత్సవంగా జరుపుకుంటుంది.

(నాకు వేరొక వెబ్ సైట్ కూడా ఉందని తెలియజేయుటకు సంతసించు చున్నాను. ఆ వెబ్ సైట్ లో భారతీయ హిందు సంస్కృతి, హిందూ సనాతన ధర్మము, వేద సూక్తములు, మొదలైన అంశములపై వ్యాసములు గలవు. ఆ వెబ్ సైట్ ను కూడా సందర్శించి సదరు వ్యాసములను చదివి ఆకళింపు చేసుకుని మీ అభిప్రాయములు తెలియ జేయవలెను.)

(యూ ట్యూబ్ చానల్ లో నా ఈ వీడియోలను వీక్షించండి: River Saraswati, సరస్వతి నది ఆచూకీ, Birth place of Hanuman, Location of Brahmavarta, బ్రహ్మావర్తము, Aryanism, ఆర్యజాతి వాదము. )